حیاتین کتابی
متنی آیدینسا حیاتین کتابی
احتیاج یوخسا دا تفسیره اگر
یازاجاقلار من اؤلندن سونرا
اونا مبهم و اوزون حاشیهلر.
او حوادثله دولو بیر اثری
اوخوماز اولدو منیم اقرانیم
طاق-نسیاندا قالیب، توزلاندی
جلدی ییپرانمیش اولان "دیوان"یم.
چوخ کتاب وار اونو ناققیشلا بزهر
اینجه اللرله سمنبو جانان،
آما گؤز یاشلاریلا ایسلانمیش
بو کتابین بوتون اوراقی اینان!
بیر باهار آخشامی "دیباچه" یازیب
اونا مستوفی دیوان قضا
من اؤلورکن اونا بیر "سون" قویاجاق
بیر خزان یا کی غمآلوده شتا...
تهران ۲۵/۷/۱۳۳۷
¤ سيامک سلامزاده
